Железин аграрлық-техникалық колледжінде «Ауыл шаруашылығы өндірісінің тракторшы-машинисті» мамандығы бойынша студенттер арасында жыл сайынғы кәсіби шеберлік байқауы өтті. Байқаудың мақсаты – жұмысшы мамандықтарының беделін арттыру, студенттердің практикалық дағдыларын дамыту және сала бойынша ең үздік жас мамандарды анықтау.
Қатысушылар теориялық білімдерін және оны өндірістік жағдайда қолдана білу қабілеттерін көрсетті. Байқау бірнеше кезеңнен тұрды: ауыл шаруашылығы техникасының құрылысы мен пайдалану ережелері бойынша білімдерін тексеру, тракторды басқару бойынша практикалық тапсырмаларды орындау, сондай-ақ техникалық қызмет көрсету элементтері.
Қазылар алқасы студенттердің жоғары дайындығын, жауапкершілігін және кәсіби өсуге деген ұмтылысын атап өтті. Жеңімпаздар құрмет грамоталарымен, бағалы сыйлықтармен марапатталып, колледждің намысын өңірлік деңгейде қорғау мүмкіндігіне ие болды.
Мұндай іс-шаралар студенттердің кәсіби құзыреттерін нығайтуға және ауыл шаруашылығы мамандықтарының маңыздылығын арттыруға ықпал етеді.
